Kabhi tu ne bhi socha hai k ye pyaas hai to kyun hai
Tujhy Paa k bhi mera dil jo udaas hai to kyun hai?
Mujhy kyun aziz tarr hai ye dhua’n dhua’n sa mosam
Ye hawa-e-shaam-e-hijraa’n mujhy raas hai tou kyun hai?
Ye hawa-e-shaam-e-hijraa’n mujhy raas hai tou kyun hai?
Tujhy Kho k sochta hun, Meray daman-e-talab mein
Koi Khuwab hai to kyun hai, koi aas hai tou kyun hai?
Koi Khuwab hai to kyun hai, koi aas hai tou kyun hai?
Mein ujjar k bhi hoon tera, tou bicharr k bhi hai mera
Ye yaqeen hai to kyun hai, ye qayaas hai to kyun hai?
Ye yaqeen hai to kyun hai, ye qayaas hai to kyun hai?
Mery tan-bar’hana dushman isi gham mein ghul rahy hain
K mery badan pe saalam, ye libaas hai to kyun hai?
K mery badan pe saalam, ye libaas hai to kyun hai?
Kabhi pooch us k dil se k ye khush mizaaj shayar
Apni shayari mein jo udaas hai to kyun hai?
Apni shayari mein jo udaas hai to kyun hai?
Tera kis ne dil bujhaya, Mery ‘Aitbaar Sajid’
Ye charagh-e-hijr ab tak, teray paas hai to kyun hai
Ye charagh-e-hijr ab tak, teray paas hai to kyun hai
0 comments:
Post a Comment