Dhoop Gharri ka daur bhi kitna acha tha

Dhoop Gharri ka daur bhi kitna acha tha

Wakt ka dariya pao’n k neechy behta tha. .

Meine aankhain mond’een aur dum saadh liya
Aik parinda kandhay per aa betha tha. .

Sabit hain ab tak phoolo’n k do surkh nishan
Khuwab mein kis ne mera maatha chooma tha. .

Barhti umer k sath khulay israar us kay
Kitna zaalim thaw o hijr jo pehla tha. .

Jab apny itraaf mein bheer ka shor suna
Tab mujh ko ehsaas hua mein tanha tha. .

Hijr k us lamhay per ab tak naadim hun
Tark-e-ta’alluq ki baabat jab socha tha. .

Khaak urraatey phirtey hain ab khaak nashee’n
Ik din kehkasha’n per pao’n na tikta tha

Posted in: Dard Bhari Shayari